सूचना/प्रविधि

भारत, बंगलादेश र साइप्रसका प्रेस काउन्सिलका प्रतिनिधिहरु प्रधानमन्त्री निवासमा

काठमाडौँ, २८ पुस, भारत, बंगलादेश र साइप्रसका प्रेस काउन्सिलका प्रतिनिधिहरुले नेपालका प्रधानमन्त्री पुष्पकमल दाहाल 'प्रचण्ड' सँग सामूहिक भेटघाट गरेका छन् । नेपाल भ्रमणमा रहेको सो टोलीले बिहीबार बिहान प्रधानमन्त्री निवास बालुवाटारमा भेटवार्ता गरेका हुन् ।

सो भेटमा प्रधानमन्त्री पुष्पकमल दाहाल 'प्रचण्ड' ले प्रेस लोकतन्त्र र सुशासनको आधारस्तम्भ भएको बताएका छन् । प्रधानमन्त्रीले भने, ‘नेपाल राजनीतिक संक्रमणको अन्त्यतिर आएको छ । नेपालको शान्ति प्रक्रिया र संविधान निर्माणमा प्रेस जगतको निकै ठूलो भूमिका छ । प्रेसको सकारात्मक भूमिका नभएको भए मौलिक ढंगबाट शान्ति र संविधानको प्रक्रिया सफलतामा टुङ्गाउन सम्भव पनि थिएन । हामीले नयाँ संविधान निर्माण गरेका छौं, संविधानले पूर्ण प्रेस स्वतन्त्रताको व्यवस्था गरेको छ । प्रेस नै लोकतन्त्र र सुशासनको आधारस्तम्भ हो भन्नेमा सरकार स्पष्ट छ ।'
प्रधानमन्त्री दाहालले २१ औँ शताब्दी सूचना र प्रविधिको युग भएको बताउँदै भने, ‘२१ औं शताब्दी सूचना र प्रविधिको युग हो । सूचना र प्रविधिको विकासले विश्व जगतमै महत्वपूर्ण परिवर्तन ल्याएको छ, सामाजि जागरण ल्याएको छ । यसलाई विश्वस्तर र दक्षिण एसियामा संगठित गरेर अगाडि बढ्ने तपाईहरुको प्रयास प्रशंसनीय छ । नेपाल सरकार त्यसका लागि हातेमालो गर्न तयार छ ।'

भेटमा प्रेस काउन्सिल नेपालका अध्यक्ष वोर्ण बहादुर कार्की, नेपाल पत्रकार महासंघका प्रतिनिधिहरु साइप्रस प्रेस काउन्सिलका प्रतिनिधि अलि हान्श्री, भारतीय प्रेस काउन्सिलका अध्यक्ष जस्टिस् चन्द्रमौली कुमार प्रसाद, बंगलादेश प्रेस काउन्सिलका अध्यक्ष जस्टिस् ममताज् उद्दिन अहमेद लगायतको प्रतिनिधि मण्डलले प्रेस स्वतन्त्रताप्रति नेपालले देखाएको लचकताको प्रशंसा गरेका थिए ।

यसमा तपाईंको मत

Loading...

सम्बन्धित सामग्री

थप

धेरै पढिएको

थप

मनोरञ्जन

थप

'कुमारी आमा' बन्ने... !

काठमाडौँ, ७ जेठ, अवैद्य रुपमा चेलिवेटी वेचविखान तथा ओसार प्रसार विरुद्ध सन्देशमुलक नेपाली चलचित्र 'कुमारी ...