समाज

भक्तपुरको तलेजु मन्दिर परिषरमा आगलागी

भक्तपुर, २७ पुस, भक्तपुर तलेजु मन्दिर परिषरमा आज दिउँसो आगलागी भएको छ । विश्व सम्पदा सूचीमा रहेको उक्त मन्दिरको जहुँ चोक र जिस्वँचोकस्थित सुवाल घरमा आगलागी हुँदा दाउरा, दलिन, काठको र्याक र भाँडा जलेको सुवाल घरका नाइके पूण्यराम सुवालले जानकारी दिए ।

मन्दिरको दक्षिणतर्फ रहेको सुवाल घरमा दिउँसो अचानक आगलागी भएपछि नेपाली सेना, नेपाल प्रहरी र जुद्ध वारुण यन्त्र भक्तपुरको टोलीले आगो नियन्त्रणमा लिएको महानगरीय प्रहरी परिषर भक्तपुरका प्रहरी निरीक्षक दिलबहादुर सुवेदीले जानकारी दिए ।

तलेजुलाई बिहान भोग चढाउन प्रसाद पकाउनका लागि प्रयोग हुने दुईतले सुवाल घरमा विद्युत सर्ट भएर आगलागी भएको हुनसक्ने अनुमान गरिएको छ ।

यसमा तपाईंको मत

सम्बन्धित सामग्री

थप

धेरै पढिएको

थप

मनोरञ्जन

थप