खेलकुद

चितवनलाई भेट्रान फुटबल उपाधि

काठमाडौं, २६ पुस, चितवन फुटबल क्लबले प्रथम मदन स्पोर्ट्स कप नाइन ए साइड भेट्रान नकआउट फुटबल प्रतियोगिताको उपाधि मंगलबार जितेको छ । चन्द्रागिरीको ठूलो ढुंगामा भएको फाइनलमा चितवनले आयोजक मदन भण्डारी स्पोर्ट्स एकेडेमीलाई ३–० गोलअन्तरले पराजित गर्यो । चितवनका लागि रविन्द्र श्रेष्ठले १ गोल गरे भने बाँकी २ गोल आत्माघाती थिए ।

चितवनले क्वाटरफाइनलमा ४० प्लस फाउन्डेसनलाई १–० तथा सेमिफाइनलमा वीरगन्ज युथ एकेडेमीलाई ४–० गोलले हराउँदै फाइनलमा स्थान पक्का गरेको थियो । एकेडेमीले क्वाटरफाइनलमा कैलालीको साइनिङ सन फुटबल एकेडेमीलाई ४–१ तथा सेमिफाइनलमा नाइट किङ क्लब, नाइट किङ क्लब, सानो गौचरणलाई २–१ ले पन्छ्याउदै फाइनलमा स्थान सुरक्षित गरेको थियो ।

उपाधिसँगै चितवनले १ लाख नगद पुरस्कार हात पार्यो भने आयोजक एकेडेमीले ५० हजार नगदमा चित्त बुझायो । आयोजक एकेडेमीका नरोत्तम गौतम 'प्लेयर अफ द टुर्नामेन्ट' चुनिए । चितवनका छन्नुराम चौधरी उत्कृष्ट गोलरक्षक घोषित भए । नाइट किङका रवि महर्जन तथा चितवनका रविन्द्र श्रेष्ठ सर्वाधिक गोलकर्ता बने । प्रतियोगिता अवधिभर दुवैले समान ४–४ गोल गरे ।

विजेतालाई राष्ट्रिय खेलकुद परिषद्का सदस्य–सचिव केशवकुमार विष्ट, एकेडेमीका पूर्व अध्यक्ष रमेश सिलवाल र एकेडेमीका अध्यक्ष एवम् सांसद विनोद श्रेष्ठले एक कार्यक्रमबीच पुरस्कृत गरे । चारदिने प्रतियोगितामा मोफसलका ३ सहित ८ टिमले नकआउट आधारमा प्रतिस्पर्धा गरेका थिए ।

यसमा तपाईंको मत

Loading...

सम्बन्धित सामग्री

थप

धेरै पढिएको

थप

मनोरञ्जन

थप

'कुमारी आमा' बन्ने... !

काठमाडौँ, ७ जेठ, अवैद्य रुपमा चेलिवेटी वेचविखान तथा ओसार प्रसार विरुद्ध सन्देशमुलक नेपाली चलचित्र 'कुमारी ...