कृष्ण गन्धर्वको पुरानो लोकगीत “रेलको ढोका बन्” को कभर गाए हेमन्तले

आजको म्यूजिक मुख्य समाचार

काठमाडौं, २३ माघ, करिब डेढ दशकदेखि सांगीतिक क्षेत्रमा क्रियाशील हेमन्त कान्छा रसाइलीले पुरानो मौलिकतालाई जगेर्ना गदै “रेलको ढोका बन्” गीतको कभर भिडियो सार्वजनिक गरेका छन् । उनले रेडियो नेपालमा गीत गाएर छुटटै पहिचान बनाएका गायक तथा सारङ्गी वाधक कृष्ण गन्धर्वको उक्त गीतको कभर भिडियो आफ्नै च्यानल मार्फत सार्वजनिक गरेका हुन् ।

यस कभर गीतमा आफ्नै स्वर , सारङ्गी रहेको छ भने अनिल थापा मगरले मादलमा साथ दिएका छन् । पुरानो गीतमा भने कृष्ण गन्धर्वको स्वर, शब्द, संगीत रहेको छ ।

उनको यस भन्दा अगाडि नै ‘भाग्यमानी‘’ बोलको गीतले हजारौ दर्शक स्रोताको मन जितिसकेको छ । त्यस्तै हेमन्तले २०६३ सालमा गाएको ‘काँचो सुन्तला‘’ बोलको गीत निकै हिट भएको थियो । यसबीचमा उनले करिब दुई दर्जन गीत गाए । लोकगायनका साथै अहिले उनी कुशल सारंगी वादकका रूपमा पनि चिनिन्छन् । उनले सात हजारभन्दा बढी गीतमा सारंगी बजाइसकेका छन् ।