नेपाली काङ्ग्रेसको महासमिति बैठक सुरु (फोटो फिचर)

फोटो फिचर मुख्य समाचार विषेश समाचार

काठमाडौँ,२९ मङ्सिर, सङ्घीय संसद्को प्रमुख प्रतिपक्ष दल नेपाली काङ्ग्रेसको महासमिति बैठक आजबाट सुरु भएको छ । सिंहदरबार अगाडिको यलम्बर पार्टी प्यालेसमा आयोजित भव्य समारोहमा पार्टी सभापति एवं पूर्वप्रधानमन्त्री शेरबहादुर देउवाले नेपाली काङ्ग्रेसको चुनाव चिन्ह रुखमा जल सेचन तथा दीप प्रज्वलन गरेर बैठकको शुभारम्भ गर्नुभएको हो ।

सङ्घीयताअनुसार पार्टीको विधानलाई परिमार्जन गर्न बोलाइएको महासमिति बैठकमा एक हजार ६०० भन्दा बढी प्रतिनिधिको सहभागिता रहेको छ ।

नेपाली काँग्रेसका सभापति शेरबहादुर देउवा शनिबार काठमाडौँमा आयोजित नेका महासमिति बैठकको उदघाटन समारोहमा तस्वीर प्रदर्शनी गर्दै ।

उद्घाटन मञ्चको अग्रभागमा अग्रज स्वर्गीय नेताहरु बिपी कोइराला, सुवर्णशम्शेर जबरा, गणेशमान सिंह, कृष्णप्रसाद भट्टराई, गिरिजाप्रसाद कोइराला र सुशील कोइरालाको तस्वीर राखिएको छ ।

‘गौरवमय इतिहास, जिम्मेवार वर्तमान र उज्यालो भविष्य’ नारा रहेको महासमिति बैठक आगामी पुस ३ गतेसम्म चल्नेछ । मुलुकमा राजनीतिक परिवर्तनका लागि भएका विभिन्न आन्दोलनमा नेतृत्वदायी भूमिका खेलेको काङ्ग्रेसले राष्ट्रियता, लोकतन्त्र, समाजवादलाई आदर्शका रुपमा अघि सार्दै आएको छ । काङ्ग्रेसको यो महासमिति बैठकलाई अन्य राजनीतिक दलले पनि निकै चासोका साथ हेरिरहेका छन् ।

काठमाडौँको यलम्बर पार्टी प्यालेसमा शनिबार आयोजित नेपाली काँग्रेसको महासमिति बैठकको उदघाटन गर्दै नेका सभापति शेरबहादुर देउवा ।

बैठकमा सबै निर्वाचन क्षेत्रबाट निर्वाचित महासमिति सदस्य, पार्टीको केन्द्रीय समिति, भ्रातृ र शुभेच्छुक संस्था, विदेशस्थित जनसम्पर्क समितिका प्रतिनिधि, मनोनित महासमिति सदस्य, निवर्तमान केन्द्रीय सदस्य तथा पर्यवेक्षक सहभागी छन् ।

मञ्चको अग्रभागमा सभापति देउवा, वरिष्ठ नेता रामचन्द्र पौडेल, उपसभापतिद्वय विमलेन्द्र निधि, विजयकुमार गच्छदार, महामन्त्री शशाङ्क कोइराला, कोषाध्यक्ष सीतादेवी यादव, कुलबहादुर गुरुङ, नरहरि आचार्य, सुजाता कोइरालालगायतका नेता रहनुभएको छ ।

काठमाडौँको यलम्बर पार्टी प्यालेसमा शनिबार आयोजित नेपाली काँग्रेसको महासमिति बैठकको उदघाटन गर्दै नेका सभापति शेरबहादुर देउवा ।

बैठकको प्रवेशद्वार अगाडि नेपाली काङ्ग्रेसको स्थापनाकालदेखि हालसम्मका महत्वपूर्ण घटनाक्रमसँग सम्बन्धित नेताहरुको तस्वीर अवलोकनका लागि राखिएको छ । बैठक उद्घाटनस्थल वरपर काङ्ग्रेसका झण्डा र आदर्श नारा लेखिएका फ्लेक्स टाँगिएका छन् । उद्घाटनलगत्तै शुरु हुने बन्दसत्रमा विभिन्न पाँच विषयका दस्तावेज पेश हुनेछन् ।

बैठकमा उपसभापति निधिले राजनीतिक, महामन्त्री डा कोइरालाले साङ्गठनिक, महामन्त्री पूर्णबहादुर खड्काले विधान संशोधन, सहमहामन्त्री डा प्रकाशशरण महतले समग्र आर्थिक नीति र कोषाध्यक्ष सीतादेवी यादवले पार्टीको आन्तरिक आर्थिक प्रतिवेदन पेश गर्नु हुनेछ ।

शनिबार काठमाडौँको यगम्बर पार्टी प्यालेसमा आयोजित नेका महासमितिको बैठकमा सहभागी हुँदै नेपाली काँगे्रसका सभापति एवं पूर्वप्रधानमन्त्री शेरबहादुर देउवालगायत नेताहरु ।

विधान मस्यौदाबाहेक सबै प्रतिवेदन केन्द्रीय कार्यसमिति बैठकले परिमार्जनसहित पारित गरिसकेको छ भने विधान मस्यौदामा पदाधिकारी सङ्ख्या र पदाधिकारीको निर्वाचनबारे बहस जारी छ ।

पुस १, २ र ३ गते बिहान ८ देखि बेलुकी ५ बजेसम्म बन्दसत्र चल्नेछ । बैठक स्थलबाट नेपाल टेलिभिजनलगायतका सञ्चार माध्यमले प्रत्यक्ष प्रशारण गरिएका छन् । २०७२ सालमा सम्पन्न पार्टीको १३ औँ महाधिवेशनपछि हुन लागेको यो पहिलो महासमिति बैठक हो ।

शनिबार काठमाडौँको यगम्बर पार्टी प्यालेसमा आयोजित नेका महासमितिको बैठकमा सहभागी हुँदै नेपाली काँगे्रसका सभापति एवं पूर्वप्रधानमन्त्री शेरबहादुर देउवालगायत नेताहरु ।

पार्टीको महाधिवेशनपछिको सर्वोच्च निकाय महासमिति बैठक भएकाले यसले पार्टीको नीतिगत सुधार र पार्टीलाई नयाँ ऊर्जावान् बनाउने काङ्गे्रसजनको अपेक्षा छ । बैठकस्थल वरपर काङग्रेसका शुभेच्छुक र कार्यकर्ताको ठूलो सङ्ख्यामा उपस्थिति रहेको छ ।(रासस)

Loading...