क्यास्ट्रोल सेल्फी स्टार योजनाका विजेताहरु पुरस्कृत

आजको बजार मुख्य समाचार

काठमाडौँ, १० असोज, क्यास्ट्रोल लुब्रिकेन्टले सेल्फी कन्टेस्टका विजेताहरुलाई पुरस्कृत गरेको छ । कम्पनीले क्यास्ट्रोल भेक्टन सेल्फी स्टार किरण नापित र क्यास्ट्रोल एक्टिभो सेल्फी स्टार राज बिकेलाई पुरस्कार प्रदान गरेको हो ।

विजेताहरुलाई बुधबार एक कार्यक्रमका बीच क्यास्ट्रोल लुब्रिकेन्टको नेपालका लागि आधिकारिक विक्रेता नेपाल ओभरसिज ट्रेडिङ कन्सर्नका मार्केटिङ म्यानेजर अमरज्योति रञ्जितले पुरस्कार प्रदान गरे । उनीहरुलाई एक एक वटा स्मार्टफोन प्रदान गरिएको छ ।

किरण नापित पोर्पा अजिमा सर्भिसिङ सेन्टर र सन्तोष मोटर ग्यारेजका सञ्चालक हुन् भने राज बिके राज मोटरसाइकल वक्र्सका सञ्चालक हुन् ।

क्यास्ट्रोल भेक्टन पहिलो पटक नेपालमा उपलब्ध गराएको अवसरमा क्यास्ट्रोल भेक्टन सेल्फी कन्टेस्ट आयोजना गरिएको थियो । क्यास्ट्रोल भेक्टनको ब्यानरमा आफ्नो तस्बिर खिचेर क्यास्ट्रोल लुब्रिकेन्ट नेपालको आधिकारिक फेसबुक पेजमा ट्याग गरेपछि सबैभन्दा बढी लाइक पाउनेलाई विजयी घोषणा गरिने बताइएको थियो ।

त्यसैगरी ललितपुरमा कार्यरत दुई पांग्रे सवारी साधनका मेकानिक्सहरुको संस्था श्री नेपाल अटो मेकानिक्स व्यवसायी संघले आयोजना गरेको मेकानिक्सहरुका लागि चेतनामूलक कार्यक्रमको अवसरमा क्यास्ट्रोल एक्टिभो स्टार मिडिया क्याम्पेनको आयोजना गरिएको थियो ।

क्यास्ट्रोल एक्टिभो लुब्रिकेन्टको ब्यानरमा सेल्फी खिचेर क्यास्ट्रोल लुब्रिकेन्टको आधिकारिक फेसबुक पेजमा तस्बिर पोस्ट गर्ने ललितपुरका मेकानिक्सहरु मध्ये सबैभन्दा बढी लाइक पाउनेलाई पुरस्कार प्रदान गरिने घोषणा गरिएको थियो ।

क्यास्ट्रोल लुब्रिकेन्टको आधिकारिक वितरक नेपाल ओभरसिज ट्रेडिङ कन्सर्नले सो प्रतियोगिताको आयोजना गरेको हो ।

क्यास्ट्रोल भेक्टन केही समय पहिले मात्र नेपाली बजारमा भित्रिएको इन्जिन आयल हो । यो सीआई–४ प्लस र ई७ प्रविधिको मल्टिग्रेड डिजेल इन्जिन आयल हो । यसमा अन्य कुनै पनि लुब्रिकेन्टमा नभएको युनिक ‘सिष्टम फाइभ टेक्नोलोजी’ प्रयोग गरिएको कम्पनीले जनाएको छ । सो लुब्रिकेन्टले पहिले प्रचलित लुब्रिकेन्ट भन्दा ३० प्रतिशत बढी पर्फमेन्स दिने दाबी गरिएको छ ।

क्यास्ट्रोल एक्टिभोमा अत्याधुनिक एक्टिभ बोन्ड मोलिक्युल्स रहेको हुन्छ । उक्त मोलिक्युल्सको सहयोगले इन्जिनमा एक किसिमको झिल्ली बस्न गई इन्जिनलाई सुरक्षित राख्छ । यसका कारण इन्जिनमा अनावश्यक पदार्थ बस्न वा जम्न नपाउने कम्पनीका मार्केटिङ म्यानेजर अमरज्योति रञ्जितले बताए ।